“Atletiko” Stankoviçi izləyir
27.02.2026 , 20:56
“Brügge”nin yarımmüdafiəçisi Aleksandar Stankoviç İspaniya La Liqasına transfer oluna bilər.
Korner.az xəbər verir ki, serbiyalı futbolçu Madridin “Atletiko” klubunun maraq dairəsinə düşüb.
Məlumatı jurnalist Matteo Moretto paylaşıb. Bildirilir ki, paytaxt təmsilçisi 20 yaşlı dayaq yarımmüdafiəçisini yay transfer dönəmində heyətinə qatmaq niyyətindədir.
İddiaya görə, “Atletiko” bu keçid üçün “Brügge”yə 40 milyon avro ödəməyə hazırdır və klub rəhbərliyi transfer üzərində ciddi işləyir.
Serbiya millisinin üzvü cari mövsümdə “mavi-qaralar”ın heyətində 41 rəsmi matçda 7 qol vurub, 5 məhsuldar ötürmə ilə yadda qalıb.
