“Atalanta”dan La Liqa klubuna
30.06.2025 , 15:45
“Atletiko Madrid” yeni transfer üçün gün saymağa başlayıb.
Korner.az xəbər verir ki, Madrid təmsilçisi “Atalanta”nın sol cinah müdafiəçisi Matteo Ruggeri ilə razılığa gəlib.
Bu barədə insayder Fabrizio Romano məlumat yayıb.
Məlumatda, İspaniya klubunun Ruggeri üçün 17 milyon avro transfer haqqı ödəyəcəyi bildirilib.
İtaliyalı futbolçu ötən mövsüm “Atalanta”nın heyətində 38 matçda iştirak edib və 3 məhsuldar ötürmə ilə yadda qalıb.
