Avropa Liqasının II təsnifat mərhələsində Bakının “İnter” klubunun rəqibi olacaq Yunanıstanın “Asteras” klubunun yeni transferi Mikael Fragoulakis ölkəsinin mətbuatına açıqlama verib. Korner.az-ın məlumatına görə, yeni transfer klubundan və Avroliqadakı "İnter"lə keçirəcəkləri matçdan danışdı:
“Artıq 3 həftə olar ki, “Asteras”ın düşərgəsindəyəm, təlim-məşq toplanışında iştirak edirəm. Artıq yeni kollektivə uyğunlaşdığımı deyə bilərəm. 1 həftədən sonra tam hazır olacam. Zədəm də tam sağalmaq üzrədir və xüsusi proqram üzrə olan çalışmamı da yekunlaşdırıram.
Avroliqadakı rəqibimiz gəlincə isə bilirik ki, “İnter” Azərbaycanın ən güclü klublarından biridir. İlk mərhələdə qazandıqları 5:0-lıq qələbə də çox şeydən xəbər verir. Lakin biz də qarşımıza ciddi hədəflər qoymuşuq. Odur ki, bu komandaya qarşı oynamağa tam hazırıq. Hər iki oyun çətin olacaq. Növbəti mərhələyə keçmək üçün nəyi bacarırıq, onu da edəcəyik