Avropa liqası

“Asteras”ın baş məşqçisi: “Bu, bizə problem yarada bilər”

18.07.2012 , 16:53

“Bizi ağır oyun gözləyir. “İnter” güclü komandadı. Onlar güclü rəqiblərə qarşı oynamağı bacarırlar. "İnter" həm də əla cinah hücumları qura bilirlər. Biz isə avrokuboklarda debütantıq. Bu yöndə heç bir təcrübəmiz yoxdu. Amma mümkün qədər yaxşı oynamağa çalışacağıq”.

Korner.az-ın məlumatına görə, bu sözləri sabah keçiriləcək Avropa Liqasının ikinci təsnifat mərhələsində "İnter"in rəqibi olan "Asteras" klubunun baş məşqçisi Sakis Tsiolis "Dalğa Arena"da baş tutan oyun öncəsi mətbuat konfransında deyib.

Çalışdırıcı stadionun süni örtüklü olmasından və komandasındakı problemlərdən də söz açıb:

““Bu, bizə problem yarada bilər. Çünki futbolçularımız süni örtükdə oynamağa o qədər də alışıq deyil.

Bir itkimiz var. Müdafiəçi Xristos Pipenas Azərbaycana gələ bilmədi. Onun bizimlə yola çıxmasına hərbi xidmətlə bağlı yaranan problem səbəb oldu. Amma oyun saatına qədər Pipenasın da Bakıya gəlməsini gözləyirik. Sadəcə, onun oynayıb-oynamayacağı hələ dəqiq bilinmir”.

Son yazılar

Yuxarı