Avropa liqası

“Asteras Tripolis” – “İnter” oyununa azarkeş axını gözlənilir

25.07.2012 , 17:59

Avropa Liqasının II təsnifat mərhələsinin cavab qarşılaşması çərçivəsində keçiriləcək "Asteras Tripolis" – "İnter" matçının biletləri iyulun 23-dən satışa çıxarılması haqda xəbər vermişdik.

Korner.az-ın klubun rəsmi saytına istinadən verdiyi məlumata görə, qiyməti 15 və 25 avro olan biletlər şəhərin iki yerində satılır.

Son məlumatlara əsasən artıq biletlərin 70 faizi satılıb və qarşılaşmanın startına kimi bütün biletlərin satılacağı bildirilir. Beləliklə, sabah baş tutacaq "Asteras Tripolis" – "İnter" matçında anşlaq gözlənilir.

Oyunu izləyənlər arasında azərbaycanlı fanatlar da olacaq. Belə ki, qarşılaşmanı Bakıdan gedən "İnter"in azarkeşləri, eləcə də yerli jurnalistlər də izləyəcəklər.

Əlavə edək ki, Tripolis şəhərinin demək olar ki, bütün küçələrində "Asteras" – "İnter" görüşün afişalarına rast gəlmək olar.

Xatırladaq ki, oyunun keçiriləcəyi “Asteras Tripolis Stadium” 7500 azarkeş tutumuna malikdi. Qarşılaşma sabah Bakı vaxtı ilə saat 22:00-da start götürəcək.

Son yazılar

Yuxarı