Asiyada ilin futbolçusu
17.10.2025 , 11:30
Asiya Futbol Konfederasiyası 2025-ci ilin ən yaxşı futbolçusunun adını açıqlayıb.
Korner.az xəbər verir ki, bu mükafata PSJ-nin cənubi koreyalı yarımmüdafiəçisi Li Kan İn layiq görülüb.
AFC-nin rəsmi saytında yayılan məlumata görə, Li Kan İn ötən mövsüm bütün turnirlərdə 49 oyun keçirib, 7 qol vurub və 6 məhsuldar ötürmə ilə yadda qalıb.
O, Paris təmsilçisi ilə Çempionlar Liqası, Fransa Liqası, Fransa Kuboku və Fransa Superkubokunun qalibi olub.
Li Kan İn həm də “Mançester Yunayted”in sabiq futbolçusu Park Ci Sundan sonra Çempionlar Liqasını qazanan ikinci koreyalı futbolçu kimi tarixə düşüb.
