“Asan rəqib deyildik” – “Olimpiya”nın baş məşqçisi
18.07.2018 , 23:10
“Qarabağ”ı təbrik edirəm. “Qarabağ” bizdən daha güclü idi. Azarkeşlər iki yaxşı komandanı izlədi. Güclü olan tərəf ikinci təsnifat mərhələsinə yüksəldi. İlk mərhələ üçün bizə çətin rəqib düşmüşdü. “Qarabağ” üçün də çətin rəqib düşdüyünü demək olar. Rəqibə uğurlar arzulayıram. Oyun haqda nə deyəcəyimi bilmirəm. Düşünürəm ki, “Qarabağ” hesabı qorumağa çalışırdı, daha ehtiyatlı oynayırdı”.
Bu sözləri “Olimpiya”nın baş məqşçisi İliya Stolitsa deyib. Çempionlar Liqası I təsnifat mərhələsi çərçivəsində səfərdə “Qarabağ”la qarşılaşan “Olimpiya” 0:0 hesablı sülhə razılaşıb. İlk oyunun (1:0) nəticəsinə görə Çempionlar Liqasında mübarizəni dayandıran sloveniyalılar mübarizəni Avropa Liqasında dava etdirəcək.
Komandanın baş məşqçisi İliya Stolitsa oyundan sonra mətbuat konfransında jurnalistlərin suallarını cavablandırıb:
– İkinci hissədə sanki komanda daha aqressiv idi. Bu oyunun tələbi idi, yoxsa hakimin qərarlarına görə komanda belə oynayırdı?
– Ümumi emosiyalara təsir edə bilər, ancaq aqressiv oynadığımızı düşünmürəm.
