Dünya Futbolu

“Asan qrupa düşdüyümüzlə razı deyiləm” – Lopeteqi

17.09.2019 , 20:58

Avropa Liqasının qrup mərhələsinin I turunda “Qarabağ”la qarşılaşacaq “Sevilya”nın baş məşqçisi Xulen Lopeteqi İspaniya mətbuatına açıqlama verib.

Korner.az xəbər verir ki, baş məşqçi “Qarabağ”la oyun barədə fikirlərini bildirib:

“Asan qrupa düşdüyümüzlə razı deyiləm. Rəqiblərimiz bizə çətinlik yaşada biləcək gücdədir. “Qarabağ” Çempionlar Liqasında oynamış və “Atletiko”nu turnirdən uzaqlaşdırmış klubdur. Avropa səhnəsində mütəmadi çıxış edirlər. APOEL isə ÇL-in son yarımfinalçısı “Ayaks”a çətinlik yaşatdı. Qalib gəlmək üçün meydanda mübarizə aparmaq lazımdır və biz nəticə istəyirik”.

Lopeteqi “Qarabağ”la oyunda rotasiya edib-etməyəcəyi barədə suala belə cavab verib:

“Dekabra qədər sıx təqvim var. Əsas olan heyətdə rəqabət yaratmaqdır, futbolçulara oyun vaxtı vermək yox. Futbolçular rəqiblər barədə maraqlanır, araşdırır. Məşqçilər isə matç bitən kimi digər qarşılaşmanı düşünür. Bundan sonra oyunla bağlı planlar cızılır”.

Sentyabrın 19-u Tofiq Bəhramov adına Respublika stadionunda keçiriləcək “Qarabağ” – “Sevilya” matçı saat 20:55-də start götürəcək.

Son yazılar

Yuxarı