“Arsenal”ın yarımmüdafiəçisi Merino əməliyyat olunacaq
02.02.2026 , 11:30
İspaniya millisinin və “Arsenal”ın yarımmüdafiəçisi Mikel Merino ciddi zədə səbəbindən meydanlardan uzaq qalacaq.
Korner.az xəbər verir ki, bu barədə London klubunun mətbuat xidməti məlumat yayıb.
Bildirilir ki, İngiltərə Premyer Liqasının 23-cü turunda “Mançester Yunayted” ilə görüşdə zədələnən 29 yaşlı futbolçunun sağ ayağında sümük zədəsi aşkar edilib. Merino yaxın günlərdə əməliyyat olunacaq və sonrakı mərhələdə reabilitasiya proqramına başlayacaq. Klub futbolçunun uzun müddət oyunlardan kənar qalacağını açıqlayıb.
Qeyd edək ki, Merino cari mövsüm bütün turnirlərdə 33 oyuna çıxaraq 6 qol və 3 məhsuldar ötürmə ilə yadda qalıb.
