İngiltərə Liqa kubokunun 1/8 finalında “Şeffild Uensdey”lə görüşdə zədələnən “Arsenal”ın iki futbolçusu – Aleks Oksleyd-Çemberlen və Teo Uolkotun durumuna aydınlıq gəlib.
Korner.az-ın məlumatına görə, hər iki futbolçu 2-3 həftə yaşıl meydanlardan kənarda qalacaq.
Belədə həm Çemberlen, həm də Uolkot Premyer Liqada “Suonsi” və “Tottenhem”, Çempionlar Liqasında isə “Bavariya” ilə oyunlarda komandasına kömək edə bilməyəcək.
