“Arsenal” yeni cinah oyunçusu axtarır
12.12.2025 , 19:45
“Arsenal” yeni cinah oyunçusu transfer etməyi düşünə bilər.
Korner.az xarici KİV-ə istinadən xəbər verir ki, “topçular” hazırda yüksək səviyyəli hücumçuları izləyir, amma onların transferi hələ prioritet deyil.
London klubu uzun müddətdir “Real”ın hücumçusu Rodriqo ilə maraqlanır və eyni zamanda “Milan”ın portuqaliyalı oyunçusu Rafael Leaonu da diqqətdə saxlayır. Məqsəd Viktor Qyokereşin yanına əlavə oyunçular qatmaqdır.
Cari mövsümdə 15 turdan sonra Premyer Liqada liderliyi qoruyan “Arsenal” 33 xal toplayıb və ən yaxın rəqibindən 2 xal üstün vəziyyətdədir. Mikel Artetanın komandası sabah saat 00:00-da “Vulverhempton”u qəbul edəcək.
