Karyerasına “Lester”də davam edən Ceymi Vardi karyerasından danışıb. Hazırkı klubunda xoşbəxt olan hücumçu növbəti ilərdə karyerasını ölkə xaricində davam etdirə biləcəyini də istisna etməyib.
“Arsenal”ın təklifini rədd edib, “Lester”də qalan Vardi verdiyi qərara görə peşman deyil:
“Bu keçidin karyeram üçün müsbət və mənfi cəhətlərini düşündüm. Yekunda verdiyim qərarın arxasında durdum. “Arsenal” bu mövsümə kimi 20 il ardıcıl ÇL-də iştirak etmiş bir komanda idi və bu mənim diqqətimi cəlb edirdi. Ötən mövsüm “Lester” Premyer Liqa çempionu olub, ÇL-ə vəsiqə qazandı. Mən də bunun bir hissəsi olmaq istədim. Əgər ¼ finalda “Ateltiko” ilə oyunda bəxtimiz gətirsəydi, daha da irəliləyə bilərdik”.
