“Arsenal” Bukayo Saka ilə yeni müqavilə bağlamağa yaxındır
11.11.2025 , 09:45
“Arsenal”ın hücumçusu Bukayo Saka London klubu ilə yeni və uzunmüddətli müqavilə imzalamağa yaxındır.
Korner.az xarici KİV-ə istinadən xəbər verir ki, tərəflər danışıqlarda son mərhələyə qədəm qoyublar.
Yeni müqavilə futbolçunun maaşının ciddi şəkildə artırılmasını nəzərdə tutur. Bununla belə, maliyyə şərtləri hələlik açıqlanmayıb.
Qeyd edək ki, 24 yaşlı vingerin mövcud müqaviləsi 2027-ci ilin yayına qədər qüvvədədir. Saka cari mövsümdə bütün turnirlərdə 14 oyunda iştirak edib və 6 qola imza atıb.
