İngiltərə Premyer Liqasında çıxış edən “Arsenal” klubunun baş məşqçisi Arsen Venqerdən komandanın əsas oyunçularından olan Mesut Özilə edilən tənqidlərə cavab gəlib.
Korner.az-ın məlumatına görə, təcrübəli fransız mütəxəssis öz açıqlamalarında bunları deyib: “ Biz tənqidləri hər zaman qəbul etməliyik və bununla yaşamağı örənməliyik. İnsanlar bəzi analizlər edir və bu tənqidlər onların seçimidir. Tənqid də, tənqid edilmək də normal bir şeydir. Özil komanda üçün çox vacib futbolçudur. Belə futbolçular meydanda öz oyunları ilə hər şeyə və hər kəsə cavab verməlidir. Məşqlərdə çox çalışır, çox enerji sərf edir. Mesutun məşqdəki çıxışından da razıyam”.
