İngiltərə Premyer Liqasında mübarizə aparan “Arsenal” klubunun baş məşqçisi Arsen Venqer Fransa mediasına müsahibə verib.
Korner.az-ın məlumatına görə, təcrübəli mütəxəssis “Monako” klubunun şərəfini qoruyan gənc futbolçu Kylian Embappeni Tieri Anriyə bənzədib:
“Tam olaraq Anri olduğunu deyə bilmərəm. Lakin, bəzi xüsusiyətləri ona oxşayır. Gələcəyi və istedadı çox oxşar olacaq. Potensialı mənə Anrini xatırladır. Zaman keçdikcə Anrinin sahib olduğu motivasiya, arzu və zəkaya sahib olarsa, tam Anri olacaq. 18-19 yaşlarında bu səviyyədə oynamaq çətindir və Kylian buralarda çox yaxşı oynayır. Onu izləyirik, çox yaxından tanıyırıq. Yaxşı şəkildə inkişaf edir. Keçən mövsüm “Monako” ilə müqaviləni yenilədi. Yəni, gələcəyinə “Monako” qərar verəcək. Başqa bir Tieri Anri ola bilər”.
Xatırladaq ki, gənc futbolçu bu mövsüm Fransa Liqasında 3 qol vurub və 5 məhsuldar edib.
