İngiltərə Futbol Federasiyası “Arsenal” klubunun baş məşqçsi Arsen Vengeri cəzalandırıb. London təmsilçisinin baş məşqçisi üç oyunluq diskvalifikasiya olunub və komanda cərimə olunub.
Buna sözügedən mütəxəssisin Premyer Liqanın son turunda “Vest Bromviç”lə oyundan sonra hakimlərin ünvanına səsləndirdiyi ifadələr səbəb göstərilir. Onun hakimlərin idarəçiliyi barədə narazı açıqlamaları 3 oyunluq cəza və 40 min funt-sterlinqlik cərimə ilə nəticələnib.
Fransalı məşqçi Federasiya Kuboku çərçivəsində “Nottingem Forest”lə, Liqa Kubokunda “Çelsi”ylə, Premyer Liqada isə “Bornmut”la oyunlarda komandasının yanında ola bilməyəcək.
