"Heyətlə bağlı problemlərimiz var. Zədə və cəza ilə bağlı iştirak etmədilər. Məcbur olub gənclərə şans verdik."
Korner.az-ın məlumatına görə, bu sözləri "Neftçi" klubunun baş məşqçisi Arif Əsədov Premyer Liqanın 33-cü turunda "İnter"ə qarşı keçirilən oyundan sonra deyib.
"Çempionata motivasiyamız azalıb. Məqsəd zədəlilərin heyətə qayıtmağıdı ki, kubokda yaxşı oynayaq. Azarkeşlərin istefa sədalarına normal baxıram. Bu bütün dünyada var. İrad bildirə bilmərəm. Bugün istefa qışqıraraq zaman keçdikcə alqışlaya da bilərlər.
Hakimlərin bizə göstərdiyi haqsızlıqlar futbolçulardan inamsızlıq yaradır. Komandama inanıram. Kubokda istəyimizə nail olacağıq. Sevindirici hal odur ki, gənclərimiz istefalar sədalarını gələcəkdə alqışa çevirə bilər. Rəhbərlik məni dəstəkləyir", deyə o bildirib.
Meydandan kənar olan amillərlə daha çox mübarizə aparırıq.
