“Barselona”nın türk yarımmüdafiəçisi Arda Turan bir neçə ay öncə keçmiş klubu “Qalatasaray”dan gələn icarə təklifini gülməli və yerində olmayan təklif adlandırıb.
Korner.az-ın məlumatına görə, “sarı-qırmızılılar”ın Hamza Hamzaoğlunu baş məşqçi postundan göndərmək qərarına da toxunan Arda bütün uşaq futbol komandalarında ingilis dilinin tədris edilməsinin zəruri olduğunu deyib.
“Üç kubok almış məşqçini göndərdilər. Bir il də uğur qazanmadı deyə dünya dağılmadı ki? “Barselona”da klubun cəzalı olması səbəbi ilə oynaya bilmədiyim dövrdə “Qalatasaray”dan icarə təklifi aldıq. Halbuki mən klubuma və mənə etdiklərinə hörmət əlaməti olaraq buraya icarə əsasında gəlməmişdim. “Qalatasaray”ın icarəyə götürmək təklifi çox pis və gülməli təklif idi. Amma nə edək, “Qalatasaray”ı, klubumuzu sevirik”, – deyə futbolçu bildirib.
