Arda Güler üçün “Mançester Siti”dən rekord səviyyədə təklif
18.11.2025 , 18:47
“Real Madrid”in istedadlı yarımmüdafiəçisi Arda Güler Premyer Liqa nəhəngi “Mançester Siti”nin transfer hədəflərindən biridir.
Korner.az xəbər verir ki, ingilis klubu 20 yaşlı türkiyəli futbolçunun keçidi üçün 100 milyon avro ödəməyə hazırdır. Bu transfer baş tutarsa, Güler “şəhərlilər” tarixində ən bahalı ikinci oyunçu olacaq.
Xosep Qvardiola gənc yarımmüdafiəçinin komandanın oyun fəlsəfəsinə tam uyğun olduğunu düşünür və onun gələcəkdə əsas fiqurlardan birinə çevrilə biləcəyinə inanır. Arda hazırda “Real Madrid”lə 30 iyun 2029-cu ilə qədər qüvvədə olan müqavilə ilə çıxış edir.
Xatırladaq ki, Arda Güler 2023-cü ilin yay transfer pəncərəsində “Fənərbaxça”dan Madrid klubuna keçib.
