“Araz”ın Çempionlar Liqasındakı rəqibləri məlum oldu
07.07.2022 , 19:47
Futzal üzrə ölkə birinciliyinin qalibi “Araz-Naxçıvan”ın UEFA Çempionlar Liqasındakı rəqibləri bəlli olub.
Korner.az xəbər verir ki, mübarizəyə əsas mərhələdən başlayacaq Joze Alesionun komandası B yolunda yarışacaq.
Təmsilçimiz burada 5-ci qrupda olacaq. “Araz Naxçıvan”ın rəqibləri “Mostar” (Bosniya və Herseqovina), həmçinin ilkin mərhələnin D qrupunun (İsveçrə “Mineva”sı, Serbiya “Loznika-Qrad 2018”i, Norveç “Vesteralen”i, San-Marino “Folqore”si) və F qrupunun (Gürcüstan “Georgians”ı, Almaniya “Ştutqart”ı, İsveç “Orebro”su, Türkiyə “İstanbul Şişli”si) qalibləri olacaq. Qrup oyunları Bosniya və Herseqovinada keçiriləcək.
Əsas mərhələnin görüşləri 25-30 oktyabr tarixlərində keçiriləcək. B yolunda yalnız qrup qalibləri elit-raunda vəsiqə qazanacaq.
