“Araz-Naxçıvan”dan ayrıldı – Rəsmi
04.06.2025 , 13:20
“Araz-Naxçıvan”dan bu yay ayrılan ilk futbolçu məlum olub.
Korner.az klubun mətbuat xidmətinə istinadən xəbər verir ki, Vadim Abdullayevlə başa çatan müqavilə yenilənməyib.
30 yaşlı yarımmüdafiəçi 2022-ci ilin yayından Naxçıvan təmsilçisində çıxış edirdi.
Qeyd edək ki, mövsümü 3-cü pillədə başa vuran “Araz-Naxçıvan” buna qədər baş məşqçi Elmar Baxşıyev, futbolçulardan Qara Qarayev, Slavik Alxasov, İssof Paro, Ömər Buludov, Kristian Avram, Tərlan Əhmədli, Ürfan Abbasov, Bəxtiyar Həsənalızadə və Ülvü İsgəndərovla müqaviləni uzatmışdı.
