Bu gün Topaz Premyer
Liqasının 17-ci turunda “İnter” doğma meydanda “Sumqayıt”ı qəbul edib və 2:0
hesabı ilə qalib gəlib. Maraqlıdır ki, komandaları məğlub olan “Sumqayıt”
azarkeşləri oyun zamanı “Araz-Naxçıvan” çempion!” kimi şüarlar səsləndiriblər.
Bununla bağlı “Araz-Naxçıvan” tərəfi də cavabsız qalmayaraq sumqayıtlı
azarkeşlərə təşəkkürlərini çatdırıb. “Araz-Naxçıvan”ın “Fan-klublarla iş
şöbəsi”nin müdiri Emin Tarverdiyev korner.az-a açıqlamasında bunları deyib:
“Biz
komandamızın məşqini izləyirdik. Bilirdim ki, o oyunu 3 azarkeşimiz izləyir.
Bunlardan biri də “ultrAraz”ın rəhbəri Qadir Məmmədli idi. O mənə zəng edib
bildirdi ki, bəs “İnter” – “Sumqayıt” matçında sumqayıtlı azarkeşlər
“ARAZ-NAXÇIVAN ÇEMPİON” şüarı qışqırırlar. Sonradan bunu mediadan da oxuduq.
Həqiqətən də bu bizi sevindirdi. “Araz-Naxçıvan” rəhbərliyi, çoxsaylı
azarkeşlərimiz adından sumqayıtlı azarkeşlərə minnətdarlığımızı bildiririk, çox
sağ olsunlar.
