“Araz-Naxçıvan” “Qəbələ”yə məğlub oldu
14.01.2026 , 19:15
Yeni mövsümə hazırlıqlarını Azərbaycanda davam etdirən “Araz-Naxçıvan” və “Qəbələ” bu gün yoxlama oyununda üz-üzə gəliblər.
Korner.az xəbər verir ki, görüş Bakı Olimpiya Stadionunun ehtiyat meydanında keçirilib. Oyun “Qəbələ”nin 1:0 hesablı qələbəsi ilə yekunlaşıb. Yeganə qolu 38-ci dəqiqədə Prins Ovusu vurub.
Qeyd edək ki, “Araz-Naxçıvan” ilk sınaq matçında əvəzedici komandasına 7:0 hesabı ilə qalib gəlib. “Qəbələ” isə “Kəpəz”i 3:1 hesabı ilə üstələyib.
