Azərbaycan çempionu “Araz” bu gün futzal üzrə UEFA kubokunun əsas mərhələsində qrupda son oyununu keçirib.
Təmsilçimiz Rumıniya çempionu “Deva” ilə qarşılaşıb.
Qrup lideri olan komandamızı elit-raunda yüksəlmək üçün heç-heçə də qane edirdi. Ancaq bu görüşdə “Araz” 3:6 hesabı ilə uduzaraq ikinci pilləyə düşüb.
Qeyd edək ki, “Araz” ilk oyunda Bosniya və Herseqovina çempionu “Mostar”ı 5:2, ikinci qarşılaşmada Malta çempionu “Sent Endryus”u 6:4 hesabı ilə məğlub edib.
14 oktyabr
20:00 “Araz” – “Deva” (Rumıniya) – 3:6
Qollar: Matey, 6 (0:1), Vilela, 8 (1:1), İqnat, 18 (1:2), Matey, 19 (1:3), Panzaru, 24 (1:4), Bolinya, 31 (2:4), Tonita, 38 (2:5), Matey, 39 (2:6), Ramiz Çovdarov, 39 (3:6)
Hakimlər: Tomasz Frak (Polşa), İbrahim El Jilali (Hollandiya), Şota Kukhilava (Gürcüstan)
Deva idman kompleksi.
