"Neftçi"nin üzvü Araz Abdullayev 21 yaşadək futbolçulardan ibarət Azərbaycan millisinin heyətində ardıcıl ikinci dəfə fərqlənib. Paytaxt klubunun yetirməsi Gürcüstan yığması ilə keçirilmiş matçda rəqib qapısına yol tapıb.
Korner.az-ın məlumatına görə, Araz Abdullayev bundan əvvəl Macarıstanın "Haladas" klubu ilə qarşılaşmada da qol vurmuşdu. Yığma komandanın 2-1 hesablı qələbəsi ilə başa çatmış qarşılaşmada digər qolu da "Neftçi"nin futbolçusu Elvin Yunuszadə vurmuşdu.
21 yaşadək futbolçulardan ibarət milli komandanın düşərgəsinə "Neftçi"nin 8 futbolçusu cəlb edilib.
