Fransa 1-ci Liqasında mübarizə aparan PSJ "Mançester Siti"nin hücumçusu Serxio Aqueronu transfer etmək istəyir.
Korner.az-ın məlumatına görə, bu haqda İngiltərənin "Daily Mirror" qəzeti xəbər yayıb.
İddia edilir ki, artıq Fransa klubu argentinalı futbolçu üçün danışıqlara başlayıb.
Xatırladaq ki, bir neçə gün əvvəl Aquero verdiyi açıqlamada: "Mövsümün sonuna qədər komandama kömək etmək üçün əlimdən gələni edəcəm. Daha sonra nələr olacağını görəcəyik".
Aqueronun bu açıqlamasından sonra "Mançester Siti" rəhbərliyi futbolçunu satmaq niyyətlərinin olmadığını bildirmişdi.
