Albaniya millisinin müdafiəçisi Ansi Aqolli “Avro-2016″nın qrup mərhələsində Fransaya uduzduqları oyun haqda danışıb.
Korner.az-ın məlumatına görə, “Qarabağ”ın futbolçusu komandasının Fransaya qarşı daha sərt oynamalı olduğunu bildirib:
“İlk hissədə yaxşı oynadıq. Ancaq fasilədən sonra fransızlara qarşı daha sərt oynamalı idik. Təəssüf ki, bu oyunda çox şey etsək də, son dəqiqələrdə buraxdığımız qollarla uduzduq. Artıq Rumıniya ilə oyuna hazırlaşacağıq. Bu görüşdən 3 xalla ayrılmalıyıq”.
Aqolli ötən oyunda qırmızı vərəqə alan Lorik Sananın yoxluğunda Albaniya millisini meydana kapitan sarğısı ilə çıxarıb. İlk görüşdə İsveçrəyə 0:1 hesabı ilə uduzan albanlar Fransaya da məğlub olub – 0:2.
