"Bakı"nın qapıçısı Aqil Məmmədovun Korner.az saytına müsahibəsi
– Dünən milli komandamız Rusiya ilə üz-üzə gəldi və sona 10 dəqiqə qalmış penaltidn buraxdığı qolla məğlub oldu. Bu oyunla bağı sən nə deyərdin?
Komandamız yaxşı müdafiə olunurdu. Ancaq hakimin verdiyi səhv qərar sonda məğlubiyyətimizə səbəb oldu. Həmin epizodda penalti yox idi. Qayda pozuntusu cərimə meydançasının kənarında baş vermişdi.
– Həm Portuqaliya həm də, Rusiya ilə oyunlarda yığmamız sona kimi mübarizə aparmaqda çətinlik çəkdi. Səfərdə xal qazana bilməməyimizi səncə səbəbi nədi?
Ancaq müdafiəyə oturmaq bizim məğlub olmağımıza səbəb oldu. Foqtsu da qınamıram. Bizim gücümüz budur.
– Bu dəfə milli komandaya dəvət almadın. Foqtsun sənə etimad göstərməməsini nə ilə əlaqələndirərdin?
Foqts klubunda əsas heyətdə oynayan qapıçıları milliyə dəvət edib. Mən isə sadəcə son turda "Qəbələ" ilə oyunda meydana çıxdım. Səbəb sadəcə komandamın əsas heyətində meydana çıxa bilməməyimdi.
– Biraz da, "Bakı" haqda danışaq. 6 oyunda cəmi bir qələbə qazanmısız və 7 xalla 11-ci pillədəsiz. Qazanılan 7 xal sizcə çempionluqa oynayan komanda üçün qənaətbəxşdimi?
Təbii ki, yox. "Bakı"da tez-tez baş məşqçi dəyişikliyi etməsi də, bu nəticələrin yaxşı olmamasına səbəb olur. Bojidar Bandoviç yaxşı baş məşqçidi. O, öz oyununu komandaya oynatmağa çalışır. Baş məşqçilik heç nə yoxdu. O, taktikasını müəyyənləşdirir sadəcə qol problemlərimizin olması qələbə qazanmağımızda çətinlik yaradır. Hücum xəttində problemlər həll olunsa "Bakı" əvvəlki oyununu göstərə biləcək.
– Son turda, "Qəbələ" ilə oyunda sənin səhvindən komanda qol buraxdı. Fikirincə bu səhvə görə, Bondoviç sənə güvənməkdə davam edəcəkmi?
İnşallah edər. Avropa çempionatlarında da, səhvlər olur. Heç kim səhvdən siğortalanmayıb.
– Qarşıdan "Qarabağ"la oyun gəlir. Bu matçla bağlı nə deyərdin?
Çətin oyun olacaq. Ancaq biz qələbə qazanmaqla nəyə qadir olduğumuzu göstərmək istəyirik. "Qarabağ" yaxşı komandadı. Lakin bizim qələbəyə ehtiyacımız var.
Səxavət QURBANOV
