Topaz Premyer Liqasının XIV turunda keçirilən AZAL – “Sumqayıt” oyunu gərginliyi ilə yadda qaldı.
Korner.az-ın məlumatına əsasən, 5 qolun vurulduğu oyunda meydan sahibləri qələbə qazandı – 3:2.
“Sumqayıt”ın baş məşqçisi Aqil Məmmədov oyundan sonra fikirlərini bildirib:
“Müdafiəçilərimizin bərbad oyununa görə uduzduq. AZAL layiqli qələbə qazandı, mən rəqibi təbrik edirəm. Deyərdim ki, hücumda problemimiz çox deyil. Əsas problem arxa xətt ilə bağlıdır. Biz hesabda irəlidə olduğumuz vaxtda adi epizodlarda qollar buraxdıq. Qışda böyük ehtimalla dəyişikliklər olacaq”.
