“Neftçi” Topaz Premyer Liqasının XIII turu çərçivəsində əzəli rəqibi “Xəzər Lənkəran”la üz-üzə gələcək. Korner.az xəbər verir ki, paytaxt təmsilçisinin qapıçısı Aqil Məmmədov “Böyük oyun” adlanan qarşılaşma ilə bağlı fikirlərini klub saytı ilə bölüşüb.
Vitse-kapitan cəzalı və zədəli futbolçularının olmasından şikayətlənsə də, meydana qələbə üçün çıxacaqlarını deyib: “Çətin olacaq. “Xəzər Lənkəran” öz meydanında həmişə yaxşı oynayır. Döyüşkən futbolçulara malik komandadır. Azarkeş dəstəyi də rəqibin tərəfində olacaq. Üstəlik, cəzalı və zədəli futbolçularımız var. Lakin bütün bunlara baxmayaraq, meydana qələbə qazanmaq üçün çıxacağıq”.
Xatırladaq ki, noyabrın 22-də “Xəzər Lənkəran” mərkəzi stadionunda keçiriləcək oyun saat 18:00-da başlanacaq.
