Almaniya ikinci bundesliqa komandalarından olan “Paderbon”un ötən həftə Antalyanın Belek bölgəsində keçirdiyi təlim-məşq toplanışı zamanı qalmaqal baş verib.
Korner.az-ın “Bild” qəzetinə istinadən yaydığı xəbərə görə, klubun oyunçusu Nik Prostviç gecə saat 00.30 radələrində sərxoş halda hazırlığı təşkil edən agentliyin əməkdaşı Şarlotta S.yə yaxınlıq etməyə cəhd göstərib. Qadından rədd cavabı olan futbolçu ona cinsiyyət orqanını göstərib.
Prostviç bununla da kifayətlənməyib və otelin dəhlizində agentlik işçisini qovmağa başlayıb.
“Paderbon”un rəsmiləri məlumatı təsdiqləyib və artıq adıçəkilən futbolçunun komandadan uzaqlaşdırıldığını bildirib.(qol.az)
