“Real”ın baş məşqçisi Karlo Ançelotti La Liqada “Malaqa” ilə oyun öncəsi açıqlama verib.
Korner.az-ın İspaniya mətbuatına istinadən verdiyi məlumata görə, o, “Barselona” ilə matçı hələ düşünmədiklərini deyib. İtaliyalı mütəxəssis bildirib ki, hazırda ancaq “Malaqa” ilə qələbə qazanmaq istəyirlər:
“El Klassiko”nu düşünməyin zamanı deyil. Bu qarşılaşma başa çatdıqdan sonra “Barsa” ilə oyuna hazırlaşacağıq. Futbolçularıma güvənirəm. İnanıram ki, “Malaqa” ilə matçda da qələbə qazanacağıq”.
K.Ançelotti komandanın yarımmüdafiəçisi Anxel di Mariyanın bu matçda oynamamaq istəməməsinə də münasibət bildirib:
“Onun dediklərinə çox təəccübləndim. Çünki bizim üçün bütün oyunlar önəmlidir”.
Qeyd edək ki, di Mariya “Malaqa” ilə matçda sarı vərəqə görəcəyi təqdirdə “Barselona” ilə oyunu buraxmalı olacaq. Bu səbəbdən o, sözügedən qarşılaşmada oynamaq istəmədəyini demişdi.
