Madrid “Real”ının baş məşqçisi Karlo Ançelotti La Liqanın 26-cı turunda “Atletiko” ilə bu gün baş tutacaq oyun haqda fikirlərini bildirib.
Korner.az-ın İspaniya mətbuatına istinadən yaydığı xəbərə görə, italiyalı mütəxəssis Madrid derbisi haqda təmkinli danışıb.
“Rəqibimizi ardıcıl üçüncü dəfə məğlub etməyə çalışacağıq. Hər bir matçda yalnız qələbə haqda düşünürük. Mövsüm çox uzundur. “Atletiko” ilə xal fərqimizi altıya çatdıra bilərik. Buna görə də bügünkü matç çox əhəmiyyətlidir” – deyə o qeyd edib.
Ançelotti hər iki komanda üçün çətin oyun olacağını deyib: “Zirvə uğrunda mübarizə aparan iki komandanın oyununda böyük təzyiq olur. Kim buna sona qədər tab gətirə bilsə, qalib gələcək. Ən yüksək səviyyədə hücum etməli və müdafiə olunmalıyıq”.
