“Fiorentina”nın sahibi Andrea Della Valle Avropa Liqasında “Qarabağ”la oyun öncəsi fikirlərini bildirib.
Korner.az-ın İtaliya mətbuatına istinadən yaydığı xəbərə görə, o, hazırda ancaq Ağdam klubu ilə oyunu düşündüklərini deyib:
“Qrup mərhələsini 1-ci pillədə tamamlamaq üçün bizə 1 xal da kifayətdir. Bu, bizim üçün çox vacibdir. Qrup 1-cisi kimi qrupu başa vursaq, böyük uğur olacaq”.
Qeyd edək ki, “Qarabağ” – “Fiorentina” görüşü dekabrın 8-i saat Bakı vaxtı ilə saat 20:00-da başlayacaq. (qol.az)
