Alman klubundan hücumçu transferi

Bundesliqada qalmaq uğrunda mübarizə aparan “Köln” hücum xəttini gücləndirib.

Reyn təmsilçisi “Ştutqard”dan Simon Teroddeni heyətə cəlb edib. 29 yaşlı forvard yeni klubunda 9 nömrəli formanı geyinəcək. Onun adı yanvarda “Köln”ün iştirak ərizəsinə daxil olunacaq. Terodde ilk dövrənin 15 turunda 2 qol, 1 məhsuldar ötürmə ilə yadda qalıb.

“Duyzburq” klubunun yetirməsi olan Terodde 2009-12-ci illərdə “Köln”də əsas komandanın şərəfini qoruyub.