Alleqri “Milan”la 100-cü qələbəsinə imza atdı
24.11.2025 , 13:30
İtaliya A Seriyasının 12-ci turunda “İnter”ə qarşı keçirilən oyun “Milan”ın baş məşqçisi Massimiliano Alleqri üçün xüsusi əhəmiyyət daşıyıb.
Korner.az xəbər verir ki, italiyalı mütəxəssis bu qarşılaşma ilə “Milan”ın başında bütün turnirlər üzrə 100-cü qələbəsini əldə edib. Bununla da Alleqri klub tarixində 100 qələbə səddini aşan yeddinci baş məşqçi adına sahib çıxıb.
Bu göstəriciyə daha əvvəl Karlo Ançelotti, Nereo Rokko, Fabio Kapello, Stefano Pioli, Nils Liedholm və Arriqo Sakki kimi tanınmış çalışdırıcılar imza atıblar.
Xatırladaq ki, Alleqri 30 may 2025-ci ildən “Milan”ı çalışdırır. O, buna qədər 2010–2014-cü illərdə də “qırmızı-qaralar”a rəhbərlik edib.
