Alexandro Balde İngiltərə klubuna keçə bilər
19.02.2026 , 23:00
“Barselona”nın sol cinah müdafiəçisi Alexandro Balde yay transfer pəncərəsində İngiltərə klubuna keçə bilər.
Korner.az xarici KİV-ə istinadən xəbər verir ki, “Mançester Yunayted” ispaniyalı futbolçunu heyətinə qatmaq niyyətindədir.
Xəbərdə bildirilir ki, klub yayda Balde üçün 40 milyon avroluq təklif göndərməyi planlaşdırır.
Qeyd edək ki, İspaniya millisinin üzvü bu mövsüm komandası ilə 32 oyunda iştirak edərək 3 məhsuldar ötürmə ilə yadda qalmağl bacarıb.
