Aleks Ximenesin “Bornmut”a transferi rəsmiləşdi
12.02.2026 , 16:00
“Bornmut” Aleks Ximenesi heyətində saxlayıb. Premyer Liqa təmsilçisi icarə əsasında komandada çıxış edən ispaniyalı müdafiəçinin transfer hüquqlarını “Milan”dan satın alıb.
Korner.az xəbər verir ki, 20 yaşlı futbolçunun keçidi klub tərəfindən rəsmi şəkildə təsdiqlənib.
Xarici KİV-də yer alan xəbərə əsasən, bu transfer üçün “Bornmut” İtaliya klubuna 19 milyon avro ödəyəcək. Razılaşmaya əlavə olaraq 5 milyon avro həcmində bonus maddəsi də daxildir.
Aleks Ximenes cari mövsümdə Premyer Liqada stabil çıxışı ilə diqqət çəkib. O, turnir çərçivəsində meydana çıxdığı 22 oyunda 1 qola imza atıb.
