Ağayev 6 futbolçunu cəzalandırdı, “Barselona” məğlub oldu

Azərbaycanlı hakim Əliyar Ağayev UEFA Gənclər Liqasında 1/4 final mərhələsində “Anderlext” – “Barselona” matçını idarə edib.

Korner.az-ın məlumatına görə, belçikalıların 2:0 hesablı qələbəsi ilə başa çatan matçda FIFA referimiz meydan sahiblərinə 2, qonaqlara 3 sarı vərəqə göstərib.

Qarşılaşmanın son dəqiqələrində Ağayev “Anderlext”in futbolçusu Orel Manqalaya qırmızı vərəqə göstərərək meydandan qovub.

Qeyd edək ki, bu matçda Əliyar Ağayevə Rza Məmmədov və Zeynal Zeynalov yardımçı olub.