"Romula Silva haqq-hesabı 2009-cu ildə baş veribsə "Xəzər Lənkəran"-ın 6 xalının üç ildən sonra silinməsi düzgün deyildi. Odur ki, haqq ədalət yerini tapdı. "Xəzər"ə qaytarılan 6 xal öz halal zəhmətləri ilə qazandıqları xallardır." Korner.az-a açıqlamasında bu sözləri, təcrübəli məşqçi Ağasəlim Mircavadov deyib. Bu hadisədən sonra turnir cədvəlində iki pillə geriləyən "Qarabağ"ın Avrokubok şanslarına da toxunan Mircavadov sözlərinə bu cür davam edib: "Hər şey "Qarabağ"ın öz əlindədir. Azərbaycan kubokunda məğlub oldular. Lakin mənə elə gəlir "Xəzər Lənkəran"ın turnir cədvəlində "Qarabağ"ın önünə keçməsi, Ağdam təmsilçisinin Avrokuboklara qatılmasına mane olmayacaq."