(1).jpg)
"İlk növbədə "Neftçi" klubunu, onların məşqçilər korpusuna təşəkkürümü bildirirəm ki, bizə belə bir sevinc yaşatdıqlarına görə. Artıq biz tarixi bir uğura imza atdıq qaldı qrup mərhələsində eyni uğuru təkrarlamaq".
Bu sözləri Korner.az-a açıqlamasında Azərbaycanın əməkdar məşqçisi Ağasəlim Mircavadov deyib. İşsiz mütəxəssis "Neftçi"nin qrup mərhələsindəki rəqiblərindən danışarkən bunları deyib:
"İnter" tarixi klubudu. "Rubin" və "Partizan"a gəlincə Avropada zəif komanda yoxdu. Əgər bu mərhələyə kimi gəlmişiksə sona kimi vuruşmalıyıq. Bunun üçün ilk növbədə yeni transferlər olmalıdı. Çünki "Neftçi" həm Avropa Liqasında, həm də Premyer Liqada mübarizə aparacaq. İki cəbhədə oynamaq bu heyət üçün çətinlik yarada bilər. Nəzərə alsaq ki, "Neftçi"nin heyətində millimizin müxtəlif yaş qrupları üzrə futbolçular çıxış edir, o zaman yeni transfer lazımdı. "İnter", "Rubin" və "Partizan" kimi klublarla oyun "Neftçi" üçün bir reklam, biznes ola bilər. Belə güclü komandalarla oyunda xaricdə çıxış etmək arzusunda olan yerli, gənc futbolçular yaxşı çıxışları ilə diqqətləri üzərlərinə çəkməyi bacara bilərlər".
Səxavət QURBANOV
