Afrika Millətllər Kuboku-2013-ün final mərhələsində çıxış edəcək ölkələrin adları müəyyənləşib.
Korner.az-ın məlumatına görə, təşkilatçı CAR-la yanaşı, Qana, Nigeriya, Mərakeş, Tunis, Əlcəzair, Toqo, Anqola, Burkina Faso, Kabo-Verde, Mali, Niger, Konqo Demokratik Respublikası, Efiopiya və son çempion Zambiya baş mükafat uğrunda mübarizə aparacaq.
Bu 15 ölkəyə, böyük ehtimalla, Kot D`İvuar qoşulacaq. Belə ki, bu ölkənin millisi ilə Seneqal yığmasının oyunu tribunalarda yaşanan qarşıdurmaya görə yarımçıq dayandırılmışdı və indi bununla bağlı rəsmi qərarın açıqlanması gözlənilir. Böyük ehtimalla, Seneqal seçməsinə texniki məğlubiyyət veriləcək.
Digər diqqətçəkən məqam Kamerun millisinin final mərhələsinə adlaya bilməməsidi. 1962-ci ildə kuboka sahib çıxan Efiopiya isə 30 ildən sonra finala vəsiqə qazanmaqla “qara zolaq”dan çıxıb. Final mərhələsinin debütantı bu yarışda ilk dəfə çıxış edəcək Kabo-Verdedi.
Qeyd edək ki, Afrika Millətllər Kubokunun final mərhələsinin oyunları 2013-cü il 19 yanvar-10 fevral aralığında DÇ-2010-un keçirildiyi 5 stadionda oynanılacaq.
