Cari mövsüm qarşısına ciddi hədəflər qoyan “Rəvan” daha bir transfer həyata keçirib.
Korner.az-ın klubun saytına istinadən yaydığı xəbərə görə, komanda Mişel Patrik Balokoq Nak ilə müqavilə bağlayıb. Kamerunlu legioner ilə 1 illik saziş imzalanıb.
Sentyabrda 27 yaşı tamam olacaq yarımmüdafiəçi vətənində “Kotonsport”un şərəfini 3 mövsüm qoruduqdan sonra “Domjale”nin uğurları üçün çalışıb. Vətənində 2 dəfə ölkə çempionu, 3 dəfə isə kubokun qalibi olan Mişel Sloveniya klubunda son mövsümdə 14 oyunda meydana çıxıb və bürünc medallara sahib çıxıb. O, 2011-ci ildə Kamerun millisinin heyətində Afrika Millətlər Çempionatında da iştirak edib.