Bu gün AFFA İntizam Komitəsinin növbəti iclası keçirilib.
Korner.az-ın AFFA-nın saytına istinadən məlumatına görə, toplantıda 2014/2015 mövsümündə keçiriləcək “Neftçi” – “Xəzər Lənkəran” matçlarında baş verə biləcək hər hansı insidentin qarşısını almaq, eləcə də keçən mövsüm yaşanmış hadisələrin yenidən baş verməməsini nəzərə alaraq bu mövsüm də, İntizam Komitəsinin 2013/2014 mövsümündə qəbul edilmiş qərarları qüvvədə saxlanılıb.
Beləliklə, “Neftçi” və “Xəzər Lənkəran” klublarının iştirakı ilə keçiriləcək Azərbaycan Premyer Liqası və Azərbaycan kuboku matçlarında, bu klubların öz aralarında keçirəcəyi oyunlarda qonaq komandanın azarkeşlərinin stadionlarda iştirakına qadağa qoyulub.
Bundan başqa, iclasda birinci divizionunun ilk turunda “Turan-T” ilə matçda limiti pozan “Şəmkir”ə 0:3 hesablı texniki məğlubiyyət verilib. Matçda göstərilmiş sarı vərəqələr qüvvədə qalıb, vurulmuş qollar isə ləğv edilib.
