AFFA-nın Apellyasiya və Ekspert Komitəsinin növbəti iclası keçirilib.
Korner.az saytının məlumatına görə, yığıncaqda “Xəzər Lənkəran” və “Simurq”un müraciətlərinə baxılıb.
Cənubluların bolqarıstanlı futbolçusu Qalin İvanovun sarı vərəqəsinin ləğv edilməsi, Zaqatala təmsilçisinin isə serbiyalı legioneri Draqan Çeranın cəzasının yüngülləşdirilməsi ilə bağlı müraciətinə baxılıb.
Müzakirələrdən sonra qərara alınıb ki, İvanovun sarı vərəqəsinin ləğv edilməsi barədə müraciət təmin olunmasın. “Simurq”un oyunçusu ilə bağlı AFFA-nın İntizam Komitəsinin qəbul etdiyi qərar da qüvvədə saxlanılıb.
