Bu gün AFFA-nın Apellyasiya və Ekspert Komitəsinin iclası keçirilib.
Korner.az-ın AFFA-nın saytına istinadən yaydığı xəbərə görə, iclasda “Simurq” və “Xəzər Lənkəran”ın müraciətlərinə baxılıb. Aparılmış müzakirələrdən sonra AFFA-nın İntizam Komitəsinin “Simurq”un baş məşqçisi Georgi Çixradze barədə çıxardığı 10 oyunluq cəzayla bağlı qərar müraciətə baxılmamaqla qüvvədə saxlanılıb.
AFFA-nın İntizam Komitəsinin “Xəzər Lənkəran” FK barədə çıxardığı qərar (Azərbaycan kubokunun “Xəzər Lənkəran”- “Bakı” oyununda azarkeşlərin meydançaya daxil olmaları ilə bağlı cərimə) da qüvvədə qalıb.
