AFFA tender elan etdi
11.02.2020 , 16:55
AÇ-2020-nin Bakıda keçiriləcək 4 oyununda istifadə olunmaq üçün qolf maşınlarının alınması ilə bağlı AFFA tender elan edib.
Korner.az xəbər verir ki, təkliflərin qiymətləndirilməsi zamanı şəffaflığın qorunması və prosesin təhlükəsizliyinin təmin olunması üçün “Şirkətlərin uyğunluğu üzrə sorğu vərəq”ini müvafiq qaydada dolduraraq AFFA-ya göndərməyiniz xahiş olunur.
“Şirkətlərin uyğunluğu üzrə sorğu vərəqi” təqdim olunmayacağı halda, həmin təklif tenderdə iştirak edə bilməyəcək.
Tenderdə iştirak etmək istəyənlər qiymət təklifi və yuxarıda qeyd olunan “Şirkətlərin uyğunluğu üzrə sorğu vərəqi”ni, eləcə də şirkət tərəfindən irəli sürülən tender təklifi qalib olduğu halda, tələb edilən malların 01.05.2020 tarixinədək təhvil veriləcəyinə dair zəmanət məktubunu 24.02.2020-ci il, saat 18:00-a qədər tender@affa.az elektron ünvanına göndərə bilər.
Əlavə suallarla bağlı tender@affa.az ünvanı ilə əlaqə saxlaya bilərsiniz.
