Bu gün AFFA İcraiyyə Komitəsinin fövqəladə iclası keçirilib.
Korner.az-ın məlumatına görə, iclasda bir sıra qərarlar qəbul olunub. Onlardan daha biri AFFA-nın 3 klubda təsisçi kimi çıxış edərək yaradılmasına dəstək verməsinin rəsmi elan olunmasıdı.
Qərara əsasən qurum Zaqatalada “Zaqatala Peşəkar Futbol Klubu” İctimai Birliyinin təsis olunmasını elan edib.
Qərarlarla tanış olun:
1. Azərbaycan Futbol Federasiyaları Assosiasiyasının “Kəpəz Peşəkar Futbol Klubu” İctimai Birliyinin təsis olunmasında digər futbol qurumları ilə birgə təsisçi qismində iştirakı təmin olunsun;
2. Azərbaycan Futbol Federasiyaları Assosiasiyasının “Turan Tovuz Peşəkar Futbol Klubu” İctimai Birliyinin təsis olunmasında digər futbol qurumları ilə birgə təsisçi qismində iştirakı təmin olunsun;
3. Azərbaycan Futbol Federasiyaları Assosiasiyasının “Zaqatala Peşəkar Futbol Klubu” İctimai Birliyinin təsis olunmasında digər futbol qurumları ilə birgə təsisçi qismində iştirakı təmin olunsun;
Qeyd edək ki, “Zaqatala” klubu “Simurq”un bazası əsasında yaradılır. (report)
