“Qarabağ”ın braziliyalı hücumçusu Reynaldo milliləşdirilməyəcək.
Korner.az-ın məlumatına görə, AFFA rəhbərliyi bu haqda qəti qərarını verib.
Bunun isə bir neçə səbəbi var. İlk səbəb Azərbaycan qanunlarının buna imkan verməməsidi. Belə ki, FİFA-nın da son təlimatına görə, bir ölkənin millisində oynamaq üçün hansısa əcnəbi futbolçu ən azı 5 il həmin ölkədə yaşamalıdır. Reynaldo isə cəmi 2 ildir Azərbaycandadır.
İkincisi, həmin futbolçunun həmin ölkəyə hansısa bağlılğı da olmalıdır. Reynaldonun isə ölkəmizlə heç bir bağlığı yoxdur.
Üçüncüsü, AFFA rəhbərliyi artıq millidəki legionerlərin sayını tədricən azaltmağı düşünür.
Bir sözlə, Reynaldo dəftəri bağlandı. Nə onunla söhbət olunacaq, nə də FİFA-ya müraciət ediləcək.
