AFFA İntizam Komitəsi “Qarabağ” klubuna sərt cəza tətbiq edib.
Korner.az-ın məlumatına görə, buna Topaz Premyer Liqanın XXII turunun “Qarabağ” – “İnter” matçı başa çatdıqdan sonra baş verən hadisələrdir. İntizam Komitəsinin qərarında deyilir ki, dəhlizdə insident baş verib və polis tərəfindən aradan qaldırılıb.
Qərarda bildirilir ki, ictimai asayiş təmin olunmadığı üçün meydan sahibi klub 5000 manat cərimə olunsun. Stadionda baş vermiş intizamsızlığa görə meydan sahibi klub bir Topaz Premyer Liqası ev oyununu azarkeşsiz keçirəcək və klub 8000 manat cərimə olunacaq.
Topaz Premyer Liqası və I divizion klubları oyunlar zamanı təhlükəsizliyi maksimum dərəcədə təmin etmək tapşırılıb.
Qeyd edək ki, İntizam Komitəsi bu qərarı ilə "Qarabağ" martın 30-da Topaz Premyer Liqanın 24-cü turunda "Qəbələ" ilə ev oyununu azarkeşlərin iştirakl olmadan keçirəcək.
